تمرين عضلة الظهر – الجناح

السلام عليكم شباب
تمرين ممتاز لعضلة الظهر
هاد التمرين كيستهدف عضلة الظهر من الجناحين.
طريقة اداء التمرين : حاول دير وزن مناسب ما يكونش ثقيل بزاف غادي تجر الكابل عندك كيفما في الصورة و تنزل على ركابيك و تأكد مزيان من أنك واقف في الوسط و يكون الجسم ديالك في نفس الخط مع الكابل يعني ما تكونش زايد القدام و ما تكونش راجع للخلف.
جار الكابل عندك مزيان كيفما في الصورة الصغيرة و ضغط على العضلة مزيان و طلق لوزن بشوية و جار بزربة شوية باش تقدر تضغط مزيان على العضلة و هكدا حتى تكمل السيري ديالك … حاول دير 3 سيريات في كل واحد ما بين 15 و 10 تكرار (على حساب الوزن و الجهد ديالك).
ملاحظة : في حالة حسيتي بالضغط في جهة كثر تأكد واش واقف في الوسط … دائما حاول الجسم ديالك يكون واقف مقاد صدرك مدفوع للقدام.
نتمنى يكون الشرح واضح 🤓
تحياتي شباب